MUJE IK BAAT KEHNI HA

YOUN DIL KO HAR IK SHAKS PA WAAR NAHI KARTAY

TUMARAY WASTAY SOLA SINGHAR KARTAY HAIN

BLUND HOSLA HOTAY HAIN WO BLA K BATOOL,JO APNAY HATH SEY QISMAT KO WAAR KARTAY HAIN

YAAD SAMANDAR PAAR JO KARNA PARTA HA

PHIR NAYA KHAWAAB ANKH MAIN RAKHO

A MASAWAR TU YE TASVEER BANA DEY A KAR

Ghao gehra bhar jana tha,Dard ko aakhir MAR jana tha

Ghao gehra bhar jana tha
Dard ko aakhir MAR jana tha

Kon palat kar kis ko dekhay?
Sab ko apnay ghar jana tha

Andhayaron k is baasi ko
Sooraj dekh k dar jana tha

Ashkon ki soghat hai aakhir
Damon apna bhar jana tha

Ayk saleeb khubi hai mun mein
Ab ki bar tou sar jana tha

wasl kali ka sirf tabasum
Hijr ko dayem kar jana tha

Janay walay ne tu hum pr
Har ilzam ko dhar jana tha

Udasiyon ka hunar ikhtayaar kartay hein

Udasiyon ka hunar ikhtayaar kartay hein
Khushi ka zard ruton mein shumaar kartay hein

tum aao,dekho,saraho,koi tou bat karo
tumharay wastay solah singhar kartay hein

gulaab lay k silay mein jo kanty sonpay
ham is tarah ka bhala karobar kartay hein?

faqat wasaal ko kahtay hein zindagi ham log
firaaq k kahan lamhay shumaar kartay hein

nishanay un k kabhi chooktay nahi dekhay
bohat qareeb sey jo log waar kartay hein

yeh mosmon sey shikayat si kyun hoi ham ko?
yeh zikr kis ka bhala baar baar kartay hein?

yeh chaand shab sey sahar tak hai kis ka matlashi?
sitaaray kis ka bhala intezaar kartay hein?

buland hosla hotay hein woh bala kay batool
jo apnay hath sey qismat ko daar kartay hein

(fakhira batool)

DIL DUKHANAY KI INTIHA KAR DI

AANCHAL KO GHONGAT KAR JANA,AB KI BAAR AO JO TUM

WISAAL KA B KOI IHTAMAM KAR DALO,MOHABATOO MAIN AB ITNA TU KAAM KAR DALO

TOU KIA MEIN KHAWB SEY AAGAY NIKAL AAYEE.?????

Meray bachay ney jab mujh sey kaha Mamma!
zara jugnu mujhay la do,
mujhay titlee kay rangon ko bhi choona hai,
sitaray aasmaan par hi uggay hein kyun?
zameen par kyun nahi aatay?
mujhay bas chaand laa do,us sey khayloon ga,
mein chonk utthi,
yehi kuch mein ney apni maa sey poocha tha,
mera masoom sa bachpan,
jo mutthi sey phisal kar kho gaya shayed,
mera bacha jo mayra "AAJ" hai,
aur aanay wala ik haseen 'KAL" hai.
lahu mein is ki baton sey hi halchal hai,
yeh maira qeemti PAL hai,
mera bacha haseen tabeer ban kar samnay hai aur
maazi khawab lagta hai,
TOU KIA MEIN KHAWB SEY AAGAY NIKAL AAYEE.?????

Gulaabon sey yeh dil ukta gaya hai

Gulaabon sey yeh dil ukta gaya hai,
Hamein kanton ka mosam bha gaya hai
Judai ka yeh qaatil pal achanak,
Hamaray darmayan kyun aa gaya hai?
Bohat bojhal hoi jati hein palkein,
Samanda ab kinaray aa gaya hai
Tumharay hijr ka yeh sard mosam,
Hamari rooh tak jhulsa gaya hai
(fakhira batool)

Ha Kisi Ka Haal Mere Haal Jaisa

TUM DAIS PARAYE MAT JAO

Jigar ki kirchiyan kuch aur bhi bikhar si gayen

Jigar ki kirchiyan kuch aur bhi bikhar si gayen,
Go apni palkon sey ham ney utha k dekh lya
Yeh sanayha hai k dil ki kasak rahi baqi,
Ganwa k dekha hai khud ko,mita k dekh lya
Atak k reh gaya palkon pe khawb aysa tha,
Hazaar tarhaa se khud ko jaga k dekh lya
Bigar tu sakta hai lekin sanwar nahi sakta,
Naseeb ham ne bohat aazma k dekh lya

Sakhi Tu Heer Jaise ha

Shaam Ankhain Teri,Sehar Ankhain

Sohni Ko Doob Jana Tha

Acha hi tha k dhoop mein jaltay kisi k sang

Acha hi tha k dhoop mein jaltay kisi k sang,
Chaaon mein aa kay baithay tu saya chala gaya
Us shahr e khamushi ka bhi apna mizaaj tha,
Jis ney bhi aa kay us ko basaya,chala gaya
Honton pay is tazaad ney pahray bitha dye,
Ham ney tu jis kisi ko bulaaya,chala gaya
Jhonka hawa ka dil ko meray choo gaya batool,
Aur us ney ayk raaz churaaya,chala gaya
(fakhira batool)

GULAAB CHUNTAY HOE DOUR MAT NIKAL JANA

HATH KI REKHAOON PAR HA WISHWASH TUMARA,SHARARAT BY FAKHIRA BATOOL

But'kaday ja kay kisi butt ko bhi sajda kartay

But'kaday ja kay kisi butt ko bhi sajda kartay
Ham kahan soch bhi saktay thay k aysa kartay

Omer bhar kuch bhi tou apnay lye ham ney na kia
Aaj fursat jo mili ham ko tou sacha,KARTAY

Ham tou is khail ka hissa thay azal sey shayed
So tamasha jo bantay tou tamasha kartay

Dil ko taskeen hi mil jati,zara si is sey
Na nibhatay chalo tum koi tou wada kartay

Jornay mein tou yeh poren bhi lahu kar daalein
Kirchiyon ko jo na chootay tou yeh acha kartay

Bhool janay ka irada bhi irada hi raha
Jaan par bun hi tou jati,jo ham aysa kartay

Is amaawas ney kye qatl kayee chaand batool
Ham ujaalay ki kahan is seytamnna kartay

(fakhira batool)

Tum ney bhaija GULAAB,kia karna

Khud ko waqf e azaab kia karna
Is qadar IZTARAAB kia karan
Jab umangon ney daar ko chooma
Tum ney bhaija GULAAB,kia karna
(fakhira batool

Aaj Tumari Salgirah ha

Naynaan ghor samandar wargay

(NAYNAAN BHOOL'BHULAYAAN)
Naynaan ghor samandar wargay,
Har koi dubnraan chahway,
Bunjaaron kay jesa apnraan,
Raaja bhaiys wataway,
Munr kay bhanbhanr tanr sulgawaein,
Chaar chofairay chayiyaan,
Naynaan bhoolbhulayaan.......Naynaan bhoolbhulayaan
(fakhira batool)

Yeh thaka thaka sa jo chaand hai

Yeh thaka thaka sa jo chaand hai,
Yah tou khawb hai,kisi aankh ka,
Jissay jaagnay ki saza mili,
Yeh jo chaand hai,yeh azaab hai,
Woh azaab,
jis ney mila dia hai gulaab lamhon ko khak mein,
Yeh jo chaand hai,yeh jawaab hai,
Kisi is tarah kay sawaal ka,
Kah jo aaj tak na utha kabhi kisi zahn mein,
Yeh jo chaand hai,
Yeh tou baab hai kisi dard ka,
Kisi hijr ka,kisi wasl ka,
Kisi zard zard si fasl ka,
Yeh takha thaka sa jo chaand hai,
Kabhi ban paray tou yeh is sey pooch k deykhna,
Issay gahri gahri si neend sey,
Bhala kis ney aa kay jaga dia?
Issay rog kis ney laga dia.....?

(fakhira batool)

Guriya Aaj B Andhi Ha by Fakhira Batool

Mard aur Commitment By Fakhira Batool

Phool k Sath Silsila Na Raha

Ye b tu Shamshaan Ghat ha

Sooraj ney jab kaali shaal sey chahra dhaanpa,
Phir sey SHAM KA SHAHR achanak,
Neely karwat lay kar jaaga,
Jagmag jagmag chaand sitaara,
Bun gaya saara.....
Dholak ki makhsoos thaap,
Aur ghughro'on ki khan khan lay par,
Jhilmil jhilmil rangeen aanchal,
Lahraa utthay,
Geeta,Roshi,Amreeta aur Chanda Bai,
Sazon k sarkash jhurmat mein,
Paiyron ko tha tha,thayee thayee par,mor bana kar,
Kuch ithlaa kar,kuch Bal kha kar,
Chanchal joban,roop saroop ki chab dikhla kar,
Badan ko teer kamaan bana kar,
Honton par jhooti si ik muskaan saja kar,
Naach rahi hein,
Naye nawailay noton ki barish mein,
Tharki mahmaanon ka shor macha hai,
Nayaka moonh mein paan daba kar,
Naaz sey daayaan aproo utha kar,
Aur apni aankhein matka kar khaasi khush hai,
Ghor karein tou,
Aurat zaat ki sharm o haya ka,
Izzat ka Namoos o ANA ka,
Yeh bhi tou SHAMSHAAN"GHAAT hai........

(fakhira batool)

Muje Ab Kuch Nahi Kehna

For Large View
http://i800.photobucket.com/albums/yy285/sunnyshah_6/mujhy-ab-kuch-nahi-kehna-fk.png

AZAL SEY HA MOHAABAT

Gulaab, Khusboo Bana Gaya Ha,Fakhira Batool

Batool aur woh

Batao,mojon mein baiqarari si kis lye hai?
Batool,lagta hai,phir samandar mein jaal aya
Batao,logon ne sari halat jo bhanp lee tou?
Batool.dil se tamam khadshay nikaal aya
Batao,honton pe bat aa kar palat gai kyn?
Batool,sochon mein gungunata sawal aaya
Batao,dil ko khayal ne, kis tarah se chooma?
Batool,us k labon ko jis pal kamal aaya

Batool aur woh

Batao,mojon mein baiqarari si kis lye hai?
Batool,lagta hai,phir samandar mein jaal aya
Batao,logon ne sari halat jo bhanp lee tou?
Batool.dil se tamam khadshay nikaal aya
Batao,honton pe bat aa kar palat gai kyn?
Batool,sochon mein gungunata sawal aaya
Batao,dil ko khayal ne, kis tarah se chooma?
Batool,us k labon ko jis pal kamal aaya

Muhabbat jurm sarzad ho gaya mujh sey,saza likh do

Muhabbat jurm sarzad ho gaya mujh sey,saza likh do,
Shareek e jurm lekin kis tarah sey bach gaya likh do

Tumhari aankh mein apna muqadar parh lya mein ney

Tumhari aankh mein apna muqadar parh lya mein ney,
Issay mayri jabeen par bhi,tum aa kar ab zara likh do
Yeh phailay tou zameen o aasmaa ki wus'atein kum hain,
Samaito ayk nuktay mein tou dil ko KARBALA likh do
Khuda bhi rad karay tou ayk lamhay kay lye sochay,
Batool, apnay labon par tum, koi aysi dua likh do
(fakhira batool)

Muqadar Phir Sey Aaray a gaya na

Abhi sey kis liyey Pathar uthatay ho