Pages

Wednesday, November 3, 2010

Kaha falak ney zameen sey jhuk kar

Kaha falak ney zameen sey jhuk kar,
nazar utha kar kabhi tou deykho,
yeh mairay seenay mein an'ginat sey, aalaao roshan hein,
kis tarah kay?
zamana in ko chamakta khursheed,
maah o anjum ka naam dey kar bahal gaya hai,
dahaktay,jaltay,sulagtay daghon mein,
dil yeh maira badal gaya hai,
zameen ney dil mein pari dararon pay hath rakh kar,
jaigar ki nazuk,kati pathi si,ragon ko choo kar,
falak ko deykha,
zameen ki nazron mein janay kia tha,
falak ki nazrien bhi jhuk gayee hein.....

No comments:

Post a Comment