Tuj Pay Fida Qalam Anees o Batool Ka

Jawwad,Mutaqi o Zaki o Wali,TAQI
Tu hai imam e waqt aur us par ye kamsini

Thokar teri pay saray jahan ki sikandari
Tafseer KIRDAYGAR ki aur zor e HAIDARI
Saray jahan pey tera sada ikhtiyar hai
Parwardigar teri ada pey nisaar hai
Baba tera RAZA hai tou maa Khaizraan hai
Qur'aan ki zuban hai,Haq ki azaan hai
Mamnoon tera hashr talak yeh jahan hai
Ahl e Hanood tak ney kaha tu mahaan hai
Yeh zindagi taweel ho ya mukhtasir milay
Janat ko kia karein gey,agar tera dar milay
Tu membar e salooni k waris ka hai pisar
Tooba dar'asl teri MO'ADAT ka hai asar
Kousar hai teray qadmon sey lipti hoi agar
Tou Salsabeel teri aqeedat ka hi samar
Phir kyun na ham kahein k tuhi KUN ka raaz hai,
Jab tera Kirdeygaar sey raaz o niaz hai
Janat teray gharon mein sey koi dayaar hai
Taqseem e khuld tou teray nokar ka kaar hai
Is pur'khizan jahan k lye tu bahaar hai
Teray kamal ki nahi had,kia shumaar hai
Islam aaj bhi tera maqrooz bayshumar
Karbal ki us kitab ka,tu bhi hai ayk baab
Abbasiyon k tu ney tou taywar mita diye
Har soo fasahaton k hein dariya baha diye
Aqlon pey jo paray thay woh parday hata diye
Sabr o Raza ka kon hein paykar dikha diye
Ibn e RAZA!dey Izn e muqadas nazool ka
Tujh pey fida kalam Anees o Batool k
(fakhira batool)