Phir chahra hawaon pey banatay hoay socha
Aankhon mein koi khawab jagatay hoay socha
Deykho,yeh baghawat ki taraf pahla qadam hai
Aandhi mein naya deep jalatay hoay socha
Kis shouq sey likha hai kisi ney issay aa kar
Sahraa! Koi tahreer mitatay hoay socha?
Takrana abas sar ko,palat aana hai qismat
Sahil ki taraf moj ney jatay hoay socha
Ban jaye tou ham khushiyan zara mang k dekhein
Pathar ka khuda aaj banatay hoay socha
Ab kis ney giranay k lye aana hai is ko?
Deewar koi dil mein uthatay hoay socha
Aysa na ho qaatel koi ghar is mein bana lay
Darwaza sa ik dil mein banatay hoay socha
Yeh khayl nahi khoob,sambhal jao abhi sey
Khushbu ko hawaon sey chupatay hoay socha
(fakhira batool)
No comments:
Post a Comment