Pages

Friday, November 12, 2010

WO NAHI RAHA


(WOH NAHI RAHA)
Jo nazar pe gahra naqaab tha,
woh nahi raha,
Woh jo chahaton ka saraab tha,
Woh jo furqaton ka azaab tha,
Woh nahi raha,

Jo mohabaton ka hisaab tha, 
woh jo zindagi ka nisaab tha,
Woh nahi raha,
Jo phisal gaya meri aankh sey,teray hath sey,
Wohi Lamha sadiyon k khawb tha,
Woh nahi raha,
Mujhay deykh kar tera chonkna,
Bhi sawaal hai,
Mein wohi hoon,tu bhi wohi sahi,
Yeh hai sach magar,
Mera dil jo khana kharab tha,
Woh nahi raha........
(fakhira batool)

No comments:

Post a Comment